Finndu leiðina til okkar! #NjótumSaman
Norðurljósahöfuðborg Íslands
Gistiheimilið Kiðagil
Kiðagil er staðsett í miðjum Bárðardal vestan Skjálfandafljóts við veg nr 842. Boðið er upp á gistingu í 12 herbergjum (1-4 manna) með sameiginlegum baðherbergjum og 5 herbergjum með sér baðherbergjum í annarri byggingu við hliðina. Gestir hafa aðgang að setustofu með sjónvarpi . Stór matsalur er í Kiðagili og veitingastaðurinn er opinn milli kl. 11:00 og 22:00. Bar er á staðnum. Tjaldsvæði er við húsið og leiksvæði.
Í Kiðagili er lögð áhersla á að bjóða upp á fjölbreyttan matseðil fyrir gesti og gangandi. Boðið er upp á matvæli sem framleidd eru á svæðinu og þá sérstaklega í Bárðardalnum en hér er til dæmis framleitt lambakjöt, nautakjöt og svo veiddur silungur úr heiðarvötnum dalsins. Við erum einnig duglega að nota hráefni úr náttúrunni s.s. villisveppi, ber og krydd. Allt kaffibrauðið er heimabakað og einnig mikið af matarbrauði svo við getum haft nýbakað á boðstólnum. Einnig bjóðum við uppá jurtate og grasöl sem bæði er framleitt hér í dalnum. Við notum íslenskt grænmeti eftir fremsta megni og fáum t.d. tómata, gúrkur og paprikur beint frá Hveravöllum.
Kiðagil er í u.þ.b. klukkustundar akstursfjarlægð frá Mývatnssveit, Akureyri og Húsavík. Kiðagil er fyrsti gisti-/matsölustaðurinn eftir að komið er niður af Sprengisandi (F26). Frá Kiðagili liggja tvær leiðir til Mývatnssveitar annars vegar eftir þjóðveginum (70 km) og á sumrin er opinn heiðarvegur milli Engidals og Stangar (50 km). Margir áhugaverðir staðir eru í nágrenninu s.s. Goðafoss, Aldeyjarfoss, Sexhólagil o.fl. Næstu sundlaugar eru á Laugum (35 km) og Stórutjörnum (32 km).
Kiðagil er opið frá 15. júní til 25. ágúst. Bóka þarf með fyrirvara á öðrum tímum.
Í Kiðagili er galleríið Fjallasalur sem hefur til sölu Bárðdælskt handverk. Eins er á staðnum sögusýningin “Útilegumenn í Ódáðahrauni” og myndasýning um fyrstu bílferðina yfir Spengisand.
18 km frá Aldeyjarfossi
24 km frá Goðafossi
65 km frá Mývatni
55 km frá Akureyri
Norðurljósahöfuðborg Íslands
Visit Mývatn
Mývatnsstofa ehf
660 Mývatn
Ísland
info@visitmyvatn.is