Velkomin í Mývatnssveit

Það er orðin hefð fyrir því að ganga rangsælis umhverfis Mývatn á föstudaginn langa.

Píslargangan verður á sínum stað á föstudaginn langa en þó með örlítið breyttu sniði. Dagurinn hefst á því að prestarnir sr. Þorgrímur Daníelsson á Grenjaðarstað og sr. Örnólfur Ólafsson á Skútustöðum syngja morguntíðir í Reykjahlíðarkirkju kl. 8:45. Gangan hefst síðan við kirkjuna kl. 09:00 og er lagt á stað undir klukknahljóm kirkjunnar. Gengið er rangsælis umhverfis Mývatn og gengur hver þátttakandi á sínum forsendum og hraða. Engin tímamæling eða skráning fer fram en við upphaf göngunnar og einnig að henni lokinni liggur frammi gestabók og er vel þegið að göngufólk skrifi nafn sitt í hana og aðrar hugleiðingar um viðburð þennan. Selt verður merki göngunnar til að stand undir kostnaði og er verði stillt í hóf. Bíll fylgir göngufólki þar sem hægt er að geyma skó, föt til skiptanna og nesti.
Sr. Örnólfur mun lesa passíusálmana í Skútustaðakirkju í tilefni dagsins og er upplagt að gera hlé á göngunni og hlýða á nokkra sálma.